PAGKAHUMAN SA LEAK REPAIR SA 900MM DIAMETRO NGA TUBO NGA NAHIMUTANG SA BGRY. TAGUIBO, BUTUAN CITY (02/15/2024 8:01PM)

PINAKABAG-ONG UPDATE
PAGKAHUMAN SA LEAK REPAIR SA 900MM DIAMETRO NGA TUBO NGA NAHIMUTANG SA BGRY. TAGUIBO, BUTUAN CITY (02/15/2024; 8:01PM)


Nahuman na sa Butuan City Water District (BCWD) ang pag-ayo sa nabuslot nga 900mm diametro nga tubo nga nahimutang sa Brgy. Taguibo, duol sa Taguibo Elementary School, mga 4:00 sa hapon.
Mga 5:43 sa hapon, nagpadayon ang flushing o pagpagawas sa tubig sa nahisgutang tubo para malimpyo kini ug energization o pagpadaloy sa tubig sa mga tubo padulong sa mga gripo.
Gilauman nga hinay-hinay ang pag-abot sa tubig sa mga kabalayan o establisamento. Sa pagkakaron, 7:50 sa gabii, aduna nay mga lugar nga naabtan na og tubig, anaa usab mga lugar nga wala pa nakatagamtam og suplay sa tubig.
Ang mga enhinyero sa BCWD padayon sa pagkolekta og mga datos para matud-an kung asa na nakaabot ang suplay sa tubig hangtod nga madeklara nga balik na sa normal ang suplay sa tubig sa tibuok syudad.
Daghang salamat sa pagsabot.

Total Views: 141   Today: 1
Last Update: February 16, 2024