PAHIBALO KAHIMTANG SA PANUBIG SA BCWD (1/8/2022 1:00 PM)
 |
Nakasinati na usab sa kahinay sa water pressure ngadto sa walay tubig ang tibook service area sa Butuan City Water District (BCWD) karong adlawa, Enero 8, 2022. Ang kinahanglan na supply sa tubig gikan sa Taguibo Aquatech Solutions Corporation (TASC) para makatubig ang tibuok dakbayan sa Butuan dapat anaa sa 2,100 cubic meter per hour ug ang water pressure dapat 80psi. Kasamtangan anaa lamang sa 600cu.m./hour ang volume sa tubig gikan sa TASC. Samtang 5psi lang ang water pressure sa Pump Station No. 1. Kini gumikan sa paglimpyo sa temporaryong pasilidad sa TASC nga napuno na usab og balas.
Mahinumduman nga nadaot sa Bagyong Odette ang dam sa TASC mao nga nag himo og temporaryong pasilidad para makahatag og tubig sa BCWD bisan 60% lang sa regular nga ginasuplay niini.
Sa pagkakaron, padayon gihapon sa pag-ayo sa damyos sa pasilidad sa TASC gumikan sa Bagyong Odette.
Gipadayon pa gihapon ang pagpahigayon sa rationing gumukan sa mga water tankers para matagaan og supply ang mga barangay hilabi na tong lisod maabtan sa supply sa panubig.
Total Views: 1216 Today: 2
Last Update: January 10, 2022