ADVISORY (April 21, 2020)
 |
GIAWHAG ANG TANAN SA PAGDAGINOT SA TUBIG
Importante ang kada tulo sa tubig. Maong karong panahon sa ting-init, ang buhatan sa Butuan City Water District (BCWD) nag-awhag sa tanan konsumador sa pagdaginot sa tubig para malikayan ang epekto sa ting-init o El Nino.
Mga simpleng pamaagi sa pagdaginot sa tubig:
1. Human gamiton, siguradohon nga sarado ang mga gripo sa sulod ug gawas sa balay.
2. Paggamit og balde ug kabo sa pagligo.
3. Magbubo og mga tanum o tanaman (garden) sa dili pa mosidlak o mosalop ang adlaw.
4. Magtigom og tubig gikan sa ulan gamit ang mga balde ug uban pang mga sudlanan para adunay magamit sa paglimpyo sa balay, pangbubo sa kasilyas ug uban pa.
5. Kung maglimpyo og sakyanan, paggamit og balde, kabo ug trapo.
6. Paggamit og palanggana sa paghugas og mga plato, baso, kutsara ug uban pang mga gamit. Ayaw pasagdi ang tubig nga gaagas samtang nagsabon og nangwaswas.
7. Tingoba ang paglaba, dili anam-anam. Ayaw pasagdi nga mag-awas ang tubig sa palanggana samtang nangwaswas. Gamita sa panglimpyo ang giwaswasang tubig.
8. Sa pagsipilyo, gamit og baso, ayaw pasagdi nga mag-agas ang tubig sa gripo.
9. I-report dayon sa BCWD ang mga guba o buslot nga mga tubo sa tubig. Tawag sa BCWD Call Center.
10. Isangyaw kining simpleng pamaagi sa pagdaginot og tubig. Itudlo sa mga katabang sa balay, mga silingan, mga estudyante ug mga kaubanan sa trabaho.
Para sa dugang kasayuran, tawag sa BCWD Call Center sa mga numero 09189304234 / 09171888726 / (085) 3423145 / 46; 3416373 / 74 o mag-personal message (PM) sa official Facebook account sa Butuan City Water District.
Last Update: April 21, 2020