BCWD COVID-19 ADVISORY (04-10-2020)
 |
PADAYON ANG WALAY PUTOL SA KONEKSIYON UG WALAY MULTA SA WALA PA NAKABAYAD
Tungod sa pagdeklara sa atoang dakbayan (Butuan) ug sa atoang Presidente Rodrigo Duterte bahin niining dugang adlaw sa Enhanced Community Quarantine sa Luzon nga mudagan hangtod ika-30 sa Abril, tuig 2020, ang Butuan City Water District (BCWD) nagpahibalo sa tanan konsumaryo nga ang buhatan sa BCWD magpadayon usab sa nasugdan nga walay multa sa tanang water bills nga adunay due dates nga nahisulod sa mga petsang March 19 hangtod April 30, 2020 o hangtod sa pagbalik sa atoang normal nga operasyon.
Padayon usab ang temporaryong pag suspende sa putol o diskoneksyon bisan putlananan na hangtod April 30, 2020 o hangtod sa pagbalik sa normal nga oprerasyon. Kini napagdesisyonan alang paglikay sa pagtapok sa mga konsumaryo sa atong buhatan.
Ang buhatan sa BCWD magpadayon nga abre para sa tanang gusto mubayad ilabi na kadtong mga naputlan nga gustong ma re-open ang ilahang mga koneksyon Lunes hangtod Byernes gikan alas otso sa buntag hangtod alas kuwatro y medya sa hapon (Monday – Friday, 8:00 A.M. – 4:30 P.M.).
Gipahimangnoan usab ang tanan nga ang buhatan nag implementar og Online Billing Inquiry ug magapadayon nga dili usa makahatod ug mga water bills sa mga balay balay tungod sa atong kahimtang (Community Quarantine). Aron masayran ang inyong bayrunon o balanse, mahimo kamong mobisita sa opisyal nga website www.bcwd.gov.ph/obi/ o motawag sa atoang hotline.
Para sa dugang kasayuran, motawag lamang sa BCWD Call Center sa mga numero: 0918-930-4234/ 0917-188-8726/ (085)342-315/46; 341-6373/74 o pwede usab mo- chat/personal message sa opisyal nga Facebok Page (Butuan City Water District).
Daghang salamat.
Last Update: April 10, 2020