WATER SUPPLY UPDATE (Feb. 19, 2016 2:30PM)

Gikasubo sa Butuan City Water District (BCWD) ang pagkawala sa supply sa tubig sukad pa gabii. Ang advisory nga gipagawas gahapon nagpahibalo ang buhatan sa Water Interruption sugod 10:00PM gabii hangtod 3:00AM (Feb. 19, 2016). Ang maong interruption kabahin sa construction works sa TASC para sa PPP Bulk Water Project nga nahimutang sa taas nga bahin sa atong water source sa Iyao, Anticala. Bisan pa man sa paningkamot nga makabalik ang suplay ganihang 3:00AM, wala nahitabong nakabalik kini tungod sa kalubog sa Taguibo River nga hinungdan sa trabaho sa TASC. Nagkihanglan og flushing ang 900mm diameter transmission line gikan sa source sa Iyao hangtod sa Filtration Plant sa Taguibo aron masiguro nga limpyo ang tubig nga moabot sa mga gripo.

Ang flushing sa 900mm diameter transmission line mahitabo sulod sa 5 ka-oras. Pagka-human sa flushing abrehan ang mga pasilidades para maka-build up og water pressure. Ang pag-build up og water pressure mahitabo sulod sa 4 hangtod 5 ka-oras.

Sa pagkakaron, hinay-hinay nang gi-abrehan ang mga pasilidades para makabalik na ang normal water pressure sulod sa pipila ka-oras.

Kami sa BCWD nangamuyo sa inyong pagsabot hangtod matuman ang gisaad sa PPPTreated Bulk Water Project nga malahutayong suplay sa tubig bisan pa man sa ting-ulan o ting-huwaw.

Total Views: 826   Today: 1
Last Update: February 19, 2016