BCWD ADVISORY (March 27, 2020)

SUBLING PASABOT ALANG SA MGA KONSESYUNARYO SA BANCASI, PINAMANCULAN UG DUMALAGAN

Sa milabay nga pipila ka mga adlaw, nakadawat ang buhatan sa Butuan City Water District (BCWD) sa mga lain-laing mga reklamo gikan sa mga konsesyunaryo sa Bancasi, Pinamanculan ug Dumalagan, particular na ang kalidad ug kadaghanon sa tubig nga rasyon ug kakulangon sa suplay sa tubig sa mga linya gumikan sa kahinay o kawalay presyor sa tubig. Atong mahinumdoman nga sa sinugdanan pa lang gipasabot na sa BCWD pinaagi sa gipahigayong barangayan sa mga nahisgutang mga barangay nga dili gayud 24/7 ang suplay sa tubig tungod kay anaa kining mga barangaya sa kinatumyang parte sa linya sa mga tubo sa tubig ug nahimutang usab kini sila sa habog nga lugar hinungdan sa paghinay sa presyor sa tubig nga magtulod gikan sa tinubdan. Bisan sa seminar sa mga aplikante sa bag-ong koneksiyon, magpasidaan ang representante sa BCWD nga gapahigayon sa maong seminar nga dili 24/7 ang suplay sa tubig sa nahisgutang mga lugar.

Ang BCWD naningkamot nga moabot ang tubig sa maong mga area pinaagi sa pagrasyon gamit ang tanker. Kini nga pamaagi dili usab 100% nga makasulbad sa problema sa kakulangon sa suplay sa tubig apan maayo na lang kaysa wala. Gibahin ang mga adlaw para sa tulo ka mga barangay nga haturan og tubig samtang hinay ang presyor sa tubig.

PAHIMANGNO SA TANAN NGA ANG TUBIG GIKAN SA TANGKE KINAHANGLAN PABUKALAN USA IMNON.

Hinaot na klaro ug nasabtan sa mga taga Bancasi, Pinamanculan ug Dumalagan kay kung padayon ang mga mulo, andam ang BCWD sa pag-undang sa operasyon hangtod masulbad ang problema sa kahinay sa presyor sa tubig paingon sa nahisgutang mga area.

Para sa dugang kasayuran, tawag sa BCWD Call Center sa mga numero 09189304234 / 09171888726 / (085) 3423145 / 46; 3416373 / 74 o mag-personal message (PM) sa official Facebook account sa Butuan City Water District.

Salamat sa inyong Pagsabot.

Total Views: 1199   Today: 2
Last Update: April 01, 2020